Urime, tashmë ju keni përfituar kredinë personale!

E megjithatë një fazë e re fillon për ju. Disa udhëzime të vlefshme si të menaxhoni më lehtë kredinë tuaj personale dhe për të mbajtur një profil të mirë të kredisë.

Së pari

Duhet të kujdeseni që të keni të dhënat më të fundit të regjistruara ne bankën tonë, për të marrë njoftime dhe informacione rreth produkteve tuaja.

Së dyti

E rëndësishme është dhe pajisja/ regjistrimi i aplikacionit, Raiffeisen ON, pasi aty do te shfaqen detajet dhe informacione të rëndësishme për kredinë tuaj.

Pagesat e kësteve

Sigurohuni të paguani rregullisht këstin mujor të kredisë, në datën e paracaktuar, për të shmangur vonesat dhe penalitete qe mund të aplikohen. Çfare duhet te keni parasysh:

Kujdesuni që llogaria juaj të ketë balancën e nevojshme për këstin e kredise në datën e përcaktuar.
Opsioni i sugjeruar: Nëpërmjet transfertave nga platforma digjitale Raiffeisen ON
Ju mund të depozitoni shumën e këstit në ATM-të tona - për këtë duhet të kryeni depozitimin në ATM të paktën 1 ditë para datës së këstit.
Duke depozituar para në një nga degët tona.
Rastet kur data e këstit bie në fundjavë ose pushime zyrtare, banka bën ngurtesimin/ bllokim e shumës së këstit në llogarinë tuaj ditën e punës më të afërt nga data e këstit (nëse është fundjave fondet mbahen ditën e premte).

Plani i Pagesave

Ju pajiseni me planin e pagesave për vitin e parë të kredisë me nënshkrimin e kontratës(si aneks të saj) ose në ditën e disbursimit të kredisë (me email dhe në degë). Ky plan tregon shumën e principalit dhe interesit që do të paguani çdo muaj. Ju mund ta aksesoni në çdo kohë planin e pagesave në platformën digjitale RON (Kredi, Detaje). Gjithashtu mund ta shkarkoni dhe printoni (në formatin pdf ) nga web i bankës (Raiffeisen ON, Individe, Kredia, Plani i pagesave).
Rishikimi i Normës së Interesit të Kredisë

Çdo 12 muaj nga data e këstit të pare, interesi i kredisë suaj do të ndryshojë (ulet ose rritet) në varësi të vlerës së Bono Thesari nga Banka e Shqipërisë, sikurse specifikuar në kontratë. Kujdesuni që të shikoni detajet pëer planin e ri të pagesave në Raiffeisen ON (Kredia, Detaje).

Ndryshimi i Segmentit të Klientit

Ka të bëjë me ndryshimin e klasifikimit (segmentit) nga një klient që merr pagën në bankën tonë në një klient që merr pagën në një bankë tjetër ose pa marredhënie pune. Ky ndryshim bëhet 3 muaj pasi ju të merrni njoftimin nga banka (me email ose në adresë fizike). Klasifikimi i ri do të reflektojë ndryshim të normës së interesit të kredisë suaj sipas kushteve në fuqi.
Ndryshimi i datës së këstit të kredisë

Për tju ardhur në ndihmë banka ofron dhe mundësinë e ndryshimit të datës së pagesës së këstit të kredisë duke vizituar degët e bankës një ditë përpara dates së këstit aktual. Sugjerimi ynë është që të konsideroni si datë kësti atë më të afërtën nga data e kalimit të pagës në llogari.