Aktivitetet e Inovacionit

Mes emocionit të garës dhe prezantimeve mbi sigurinë kibernetike, të ndara nga ekspertët e fushës, përmbyllëm me sukses CyberFrontiers Hackathon.
Ky event u organizua në kuadrin e muajit tetor si muaji i ndërgjegjësimit për sigurinë kibernetike dhe erdhi si bashkëpunim me Autoritetin Kombëtar të Sigurisë Kibernetike, Qendrën e Inovacionit për Siguri dhe Mbrojtje, dhe startup-in Cyber Morfosis, duke reflektuar përkushtimin tonë për të investuar në sisteme, njerëz dhe kulturë. Synimi ynë është të qëndrojmë gjithmonë një hap përpara, duke ofruar sigurinë dhe besimin për klientët tanë.
Gara ishte intensive, me sfida të cilat testuan aftësitë dhe ekspertizën e pjesëmarrësve në fushën e sigurisë kibernetike. CEO i Raiffeisen Bank, z. Christian Canacaris, dhe Anëtari i Bordit, CIO/COO z. Erion Serti, theksuan rëndësinë dhe angazhimin e Raiffeisen Bank në këtë fushë kaq kritike.
Urime fituesve dhe faleminderit të gjithë pjesëmarrësve!

Për herë të parë Raiffeisen Group organizoi në Shqipëri konferencën e katërt Cloud Connect

Mbi 400 kolegë nga bankat e rrjetit dhe AWS, si dhe mbi 200 pjesëmarrës u bashkuan në Tiranë në këtë event. Nga data 22-24 maj 2024, Raiffeisen Bank Shqipëri pati kënaqësinë të organizonte për herë të parë në Shqipëri konferencën e katërt të Raiffeisen Group, Cloud Connect. Ky event mblodhi së bashku mbi 400 kolegë nga bankat e rrjetit dhe AWS, si dhe më shumë se 200 pjesëmarrës në Tiranë. Në konferencë ishin të pranishëm 9 folës kryesorë dhe u organizuan 18 sesione të ndara me tematika të ndryshme si dhe një panel diskutim.

Qëllimi i Cloud Connect ishte të bashkonte teknologjinë, biznesin, si dhe të mësuarit, duke ndarë inovacionin e vazhdueshëm brenda grupit si një forcë frymëzuese që forcon lidhjet midis teknologjisë, përvojës së klientit dhe të bërit biznes, drejt realizimit të misionit dhe vizionit tonë të përbashkët.

Me një mini–Innovation Bootcamp, finalizuam me sukses edicionin e 6-të të Key Academy, një program i kushtuar studentëve entuziastë të teknologjisë dhe me profile teknike. 

Gjatë këtyre 6 javëve intensive, studentet pjesëmarrës patën mundësinë të thellojnë njohuritë e tyre dhe të zhvillojnë aftësi të reja në disa nga fushat kryesore të teknologjisë, duke përfshirë temat e rëndësishme si Agile Project Management, Modern Software Architecture, Digital Financial Products, Data, Cloud dhe DevOps Engineering. Një falënderim i veçantë shkon për të gjithë studentët që ishin pjese e këtij edicioni. Ju bëni një ndryshim në botën e teknologjisë dhe në jemi krenarë që kemi patur rastin të jemi pjesë e rrugëtimit tuaj të mrekullueshëm. 

Falënderojmë gjithashtu kolegët tanë për kontributin e vyer duke e bërë këtë edicion një sukses të vërtetë!

Si mund të përdoret Inteligjenca Artificiale për të përmirësuar sistemin bankar në Shqipëri

Nën sloganin "Thyeni barrierat, përmirësoni punën" Raiffeisen Bank sapo konfirmoi se beson në inovacion dhe ndryshime pozitive, duke zhvilluar një AI Hackathon. Mbi 50 ekspertë të bankave të rrjetit Raiffeisen u mblodhën në një event 2 ditor për të ndarë përvojat dhe informacionet e tyre mbi Inteligjencën Artificiale. Diskutimet u fokusuan në fuqinë e analizës së të dhënave dhe mënyrën se si AI mund të rrisi produktivitetin e stafit, inovacionin në sistemin bankar dhe përvojën e klientit.

Një hackathon-e dinamike me mbi 100 pjesëmarrës dhe shumë ide frytdhënëse u finalizua me 3 çmime.

Në datat 29-30 maj, u zhvillua një event frymëzues nga skuadra e Inovacionit në bashkëpunim me Advanced Analytics të Raiffeisen Bank Shqipëri Innovation Bootcamp "Unlock the Power of Data".
Ky bootcamp përqendrohej në Advanced Analytics dhe mblodhi së bashku mbi 70 kolegë nga 15 departamente të ndryshme të ndarë në 9 skuadra.
Kolegët tanë u angazhuan intensivisht në punën e tyre, duke punuar mbi ide dhe projekte inovative. Për dy ditë të plota, ata zhvilluan, strukturuan dhe prezantuan para një jurie ekspertësh dhe drejtuesish të bankës idetë dhe projektet e tyre inovative.
Ky event I inovacionit ishte një mundësi e jashtëzakonshme për të përdorur potencialin e të dhënave dhe të aplikuarit të analizave të avancuara. Kolegët tanë shfaqën përkushtim të jashtëzakonshëm, aftësi krijuese dhe aftësi për të gjetur zgjidhje inovative për sfidat e Bankës Raiffeisen.

"Let's Get Cloud" eventi i parë në Shqipëri dedikuar teknologjisë Cloud nisi sot në Tiranë.

Raiffeisen Bank Shqipëri, si një institucion financiar lider i përkushtuar ndaj inovacionit të vazhdueshëm sjell më datat 23-24 shkurt një event krejtësisht dedikuar teknologjisë Cloud.

Dita e parë e konferencës mblodhi së bashku në një panel diskutimi ekspertë të fushës nga industri të ndryshme si Amazon, Raifeisen Bank International, Vodafone al si edhe përfaqësues nga Fintechs, të cilët ndanë njohuritë dhe përvojat e tyre mbi strategjinë e migrimit, sigurinë, inovacionin dhe të ardhmen e teknologjisë Cloud. 

Skuadra e Inovacionit së bashku me kolegët e Burimeve Njerëzore dhe IT përmbyllën me sukses trajnimin e fundit per Design Thinking me studentët e edicionit të pestë të Key Acadamy në formën e një Innovation Bootcamp. 

Me dhjetra student nga fusha e IT punuan intensivisht ne skuadra të mentoruara nga kolegë të ndryshëm të bankës që janë ambasadorë të Inovacionit,duke ndjekur modulet kryesore te metodologjisë Design Thinking për të strukturuar dhe konkretizuar idetë fillestare në një prototip dhe duke paraqitur atë para jurisë.Prezantimet ishin shumë dinjitoze aq më tepër që trajtonin jo vetëm cështje teknike por si teknologjia mund te kombinohet dhe të shtojë vlerë për cështje mjedisore dhe të komunitetit.